Hisobni o‘chirish
Oxirgi yangilanish: 28 okt 2026
Bu sahifa 4Auto ilovasi va 4avto.uz sayti hisobini qanday butunlay o‘chirish mumkinligini tushuntiradi. O‘qish uchun hisobga kirish shart emas.
Operator: Ismoilov Javohir Mashrab o‘g‘li, info@4avto.uz.
Ilovadan o‘chirish
Profil → «Akkauntni o‘chirish» tugmasi. So‘ng hisobingizning telefon raqamini qaytadan kiritasiz va tasdiqlaysiz.
Raqamni qayta kiritish — tekshiruv emas, chunki siz allaqachon kirgansiz; bu tugmani tasodifan bosib yubormaslik uchun.
Saytdan o‘chirish (ilova shart emas)
4avto.uz saytiga telefon raqamingiz va SMS kodi bilan kiring, so‘ng Profil sahifasini oching — o‘sha yerda shu tugma bor.
Ilovani o‘chirib tashlagan yoki hech qachon o‘rnatmagan bo‘lsangiz ham bu yo‘l ishlaydi.
Nima o‘chiriladi
Tasdiqlaganingizdan keyin darhol va qaytarib bo‘lmaydigan tarzda:
- ismingiz, telefon raqamingiz va e-pochtangiz
- yetkazib berish manzillaringiz
- garajingizdagi avtomobillar
- bildirishnomalaringiz va SMS kodlari
- barcha kirish seanslari — hamma qurilmada hisobdan chiqasiz
- sotuvchi bo‘lsangiz: mahsulotlaringiz katalogdan olinadi va do‘kon tasdig‘i bekor qilinadi
Nima saqlanadi
Quyidagilar o‘chmaydi, lekin ular endi sizga bog‘lanmaydi — kim yozgani yoki buyurtma qilgani ko‘rinmaydi:
| Nima | Qancha saqlanadi |
|---|---|
| Tugallangan buyurtma va hisob-kitob yozuvlari | Muddatsiz, lekin sizsiz — ikkinchi tomonning hisob-kitobi uchun |
| Forum mavzulari, izohlar va sharhlar | Matn qoladi, muallif ko‘rsatilmaydi |
| Qidiruv jurnali | 90 kun, so‘ng avtomatik o‘chiriladi |
| Zaxira nusxalar | 14 kun, so‘ng ustiga yoziladi |
Qachon o‘chirib bo‘lmaydi
Jarayondagi buyurtmangiz (xaridor yoki sotuvchi sifatida) yoki oldindagi servis yozuvingiz bo‘lsa, o‘chirish rad etiladi — bu boshqa odam oldidagi majburiyat.
Ilova va sayt nimani tugatish kerakligini sanab ko‘rsatadi. Ular yakunlangach, tugma darhol ishlaydi.
Hisobga kira olmasangiz
Telefon raqamingizni yo‘qotgan yoki hisobga kira olmasangiz, info@4avto.uz manziliga yozing va hisobingizning telefon raqamini ko‘rsating.
So‘rovni tekshirgach, hisobni biz o‘chiramiz — natija yuqoridagi bilan bir xil.